SourceURL:file:///home/user/Desktop/网站更新/阿坝州文明行为促进条例/条例藏文(最后).docx
༄༅།།རྔ་བ་བོད་རིགས་ཆའང་རིགས་རང་སྐྱོང་ཁུལ་གྱི་ཡ་རབས་
སྤྱོད་ཚུལ་ལ་སྐུལ་སྤེལ་གཏོང་བའི་སྲོལ་ཡིག
(2022ལོའི་ཟླ་8ཚེས་25ཉིན་རྔ་བ་བོད་རིགས་ཆའང་རིགས་རང་སྐྱོང་ཁུལ་མི་དམངས་འཐུས་མིའི་ཚོགས་ཆེན་སྐབས་བཅུ་གསུམ་པའི་རྒྱུན་ལས་ཨུ་ཡོན་ལྷན་ཁང་གི་ཚོགས་འདུ་ཐེངས་ལྔ་བའི་ཐོག་གྲོས་འཆམ་བྱུང་ཞིང་།2022ལོའི་ཟླ་9ཚེས་30ཉིན་སི་ཁྲོན་ཞིང་ཆེན་སྐབས་བཅུ་གསུམ་པའི་མི་དམངས་འཐུས་མིའི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་ཚོགས་འདུ་ཐེངས་སོ་བདུན་པའི་ཐོག་ཆོག་མཆན་སྤྲད།)
དཀར་ཆག
ལེའུ་དང་བོ། སྤྱིའི་དོན་ཚན།
ལེའུ་གཉིས་པ། དར་སྤེལ་དང་ཚད་ལྡན་གཏོང་བའི་སྐོར།
ལེའུ་གསུམ་པ། ལྟ་སྐུལ་དང་བཅོས་སྐྱོང་བྱེད་པའི་སྐོར།
ལེའུ་བཞི་བ། འགན་སྲུང་དང་སྐུལ་སྤེལ་བྱེད་པའི་སྐོར།
ལེའུ་ལྔ་བ། ཁྲིམས་འབྲེལ་འགན་འཁྲིའི་སྐོར།
ལེའུ་དྲུག་པ། ཞར་བྱུང་དོན་ཚན།
ལེའུ་དང་བོ། སྤྱིའི་དོན་ཚན།
དོན་ཚན་དང་བོ། སྤྱི་ཚོགས་རིང་ལུགས་ཀྱི་ལྟེ་བའི་རིན་ཐང་ལྟ་བ་སྐྱེད་སྲིང་དང་ལག་ལེན་བསྟར་ནས་ཡ་རབས་སྤྱོད་ཚུལ་ལ་ཁྲིད་སྟོན་དང་སྐུལ་སྤེལ་གཏོང་བ་དང་། སྤྱི་དམངས་ཀྱི་དཔལ་ཡོན་བྱང་ཚད་དང་སྤྱི་ཚོགས་ཀྱི་དཔལ་ཡོན་ཆུ་ཚད་མཐོ་རུ་གཏོང་ཆེད། འབྲེལ་ཡོད་བཅའ་ཁྲིམས་དང་ཁྲིམས་སྲོལ་གཞིར་བཟུང་ནས་རྔ་བ་བོད་རིགས་ཆའང་རིགས་རང་སྐྱོང་ཁུལ(གཤམ་དུ་རང་སྐྱོང་ཁུལ་ཞེས་བསྡུ་རྒྱུ)གྱི་དོན་དངོས་དང་ཟུང་འབྲེལ་བྱས་ནས་སྲོལ་ཡིག་འདི་བཟོས་པ་ཡིན།
དོན་ཚན་གཉིས་པ། རང་སྐྱོང་ཁུལ་གྱི་སྲིད་འཛིན་ས་ཁོངས་ནང་གི་ཡ་རབས་སྤྱོད་ཚུལ་ལ་སྐུལ་སྤེལ་གཏོང་བའི་བྱེད་སྒོ་ལ་སྲོལ་ཡིག་འདི་སྤྱད་འཐུས།
སྲོལ་ཡིག་འདིའི་ནང་འཁོད་པའི་ཡ་རབས་སྤྱོད་ཚུལ་ཅེས་པ་ནི་སྤྱི་ཚོགས་རིང་ལུགས་ཀྱི་ཀུན་སྤྱོད་བླང་བྱ་དང་མཐུན་པ་དང་། སྤྱི་ཚོགས་རིང་ལུགས་ཀྱི་ལྟེ་བའི་རིན་ཐང་ལྟ་བ་མཚོན་པ། སྤྱི་པའི་སྒྲིག་ལམ་དང་གོམས་སྲོལ་བཟང་པོ་སྲུང་སྐྱོང་བྱེད་པ། སྤྱི་ཚོགས་ཀྱི་དར་སྲོལ་ལ་སྣེ་ཁྲིད་བྱེད་པ། སྤྱི་ཚོགས་ཡར་ཐོན་ལ་སྐུལ་སྤེལ་གཏོང་བ་བཅས་ཀྱི་སྤྱོད་ཚུལ་ལ་ཟེར།
དོན་ཚན་གསུམ་པ། ཚུལ་མཐུན་གྱི་སྤྱོད་ཚུལ་སྐུལ་སྤེལ་གཏོང་བའི་ལས་དོན་ཐད་ཁྲིམས་སྐྱོང་དང་སྤྱོད་བཟང་གིས་སྐྱོང་བ་ཟུང་འབྲེལ་དང་། དར་སྤེལ་དང་བཅོས་སྐྱོང་ཟུང་འབྲེལ། རང་གཅུན་དང་གཞན་གཅུན་ཟུང་འབྲེལ། ཏང་ཨུ་ཡིས་གཅིག་གྱུར་འགོ་ཁྲིད་དང་། སྲིད་གཞུང་གིས་སྒྲིག་འཛུགས་དང་ལག་བསྟར། སྡེ་ཚན་གྱིས་རང་འགན་རང་འཁུར། སྤྱི་ཚོགས་ཀྱིས་མཉམ་དུ་སྐུལ་འདེད། མང་ཚོགས་མཉམ་དུ་ཞུགས་པ་བཅས་ཀྱི་ལས་ཀའི་ལམ་སྲོལ་བཙུགས་ཏེ་དམངས་ཡོངས་ཞུགས་པ་དང་ཁྱབ་ཁོངས་ཡོངས་སུ་གསར་གཏོད་བྱེད་པའི་ལས་ཀའི་རྣམ་པ་ཞིག་ཆགས་པར་བྱེད་དགོས།
དོན་ཚན་བཞི་བ། རང་སྐྱོང་ཁུལ་དང་། རྫོང་(གྲོང་ཁྱེར)གི་བསམ་པའི་དཔལ་ཡོན་འཛུགས་སྤེལ་སློབ་སྟོན་ལས་ཁུངས་ཀྱི་འགོ་ཁྲིད་འོགཡ་རབས་སྤྱོད་ཚུལ་ལ་སྐུལ་སྤེལ་གཏོང་བའི་ལས་ཀར་གཅིག་གྱུར་འཆར་འགོད་ཀྱིས་སྐུལ་སྤེལ་གཏོང་དགོས།
དོན་ཚན་ལྔ་བ། རང་སྐྱོང་ཁུལ་དང་རྫོང་(གྲོང་ཁྱེར)མི་དམངས་སྲིད་གཞུང་གིས་ཡ་རབས་སྤྱོད་ཚུལ་ལ་སྐུལ་སྤེལ་གཏོང་བའི་ལས་ཀ་དེ་རྒྱལ་དམངས་དཔལ་འབྱོར་དང་སྤྱི་ཚོགས་གོང་དུ་སྤེལ་བའི་འཆར་འགོད་ནང་དུ་འཇོག་དགོས་པ་དང་། དེར་དགོས་པའི་གྲོན་དངུལ་རྣམས་རིམ་པ་གཅིག་མཚུངས་ཀྱི་སྔོན་རྩིས་ནང་དུ་འགོད་དགོས།
དོན་ཚན་དྲུག་པ། རང་སྐྱོང་ཁུལ་དང་རྫོང་(གྲོང་ཁྱེར)མི་དམངས་སྲིད་གཞུང་གི་འབྲེལ་ཡོད་སྡེ་ཁག་དང་ཡུལ་ཚོ(གྲོང་རྡལ)མི་དམངས་སྲིད་གཞུང་གིས་རང་རང་གི་འགན་འཁྲི་ལྟར་ཡ་རབས་སྤྱོད་ཚུལ་ལ་སྐུལ་སྤེལ་གཏོང་བའི་ལས་ཀ་ལེགས་པར་བསྒྲུབ་དགོས།
གྲོང་(སྡོད)དམངས་ཨུ་ཡོན་ལྷན་ཁང་དང་། སྡེ་ཁུལ་གྱི་ཁང་བདག་ཨུ་ཡོན་ལྷན་ཁང་གིས་གྲོང་སྲོལ་དམངས་ཆིངས་དང་། གྲོང་མིའི་སྤྱི་ཆིངས། ཁང་བདག་གི་སྤྱི་ཆིངས་བཅས་སྒྲིག་འཛུགས་དང་ལག་བསྟར་བྱས་ཏེ། ཡ་རབས་སྤྱོད་ཚུལ་ལ་ཁྲིད་སྟོན་དང་། མ་རབས་སྤྱོད་ཚུལ་ལ་བཀག་སྡོམ་བསླབ་བྱ། ཡ་རབས་སྔོན་ཐོན་དཔེ་བཟང་དྲིལ་བསྒྲགས་བཅས་བྱེད་དགོས།
དོན་ཚན་བདུན་པ། སྤྱི་དམངས་དང་། ཁྲིམས་མི། རྩ་འཛུགས་གཞན་དག་བཅས་ཀྱིས་ཡ་རབས་སྤྱོད་ཚུལ་ལ་སྐུལ་སྤེལ་གཏོང་བའི་བྱེད་སྒོར་ཧུར་ཐག་ཞུགས་ཏེ་མ་རབས་སྤྱོད་ཚུལ་ལ་བཀག་འགོག་བྱེད་དགོས།
རྒྱལ་ཁབ་ཀྱི་ལས་ཁུངས་དང་། སྤྱི་ཚོགས་ཀྱི་ཚོགས་པ། ཁེ་ལས་དང་བྱ་ལས་སྡེ་ཚན། སྤྱི་ཚོགས་ཀྱི་རྩ་འཛུགས་གཞན་དག་བཅས་ཀྱིས་ཡ་རབས་སྤྱོད་ཚུལ་གྱི་ཚད་གཞི་དེ་ལས་རིགས་ཀུན་སྤྱོད་ཀྱི་སློབ་གསོ་གཏོང་ཁོངས་སུ་བཅུག་སྟེ་ཡ་རབས་སྤྱོད་ཚུལ་གྱི་སློབ་གསོ་དང་ཁྲིད་སྟོན་བྱེད་ཤུགས་ཆེ་རུ་བཏང་ནས་ཡ་རབས་སྤྱོད་ཚུལ་གྱི་སྐུལ་སྤེལ་ལས་ཀར་རྒྱབ་སྐྱོར་བྱེད་དགོས།
རྒྱལ་ཁབ་ཀྱི་ལས་དོན་མི་སྣ་དང་། དམངས་འཐུས་འཐུས་མི། སྲིད་གྲོས་ཨུ་ཡོན། སྤྱི་ཚོགས་ཀྱི་མི་སྣ་གྲགས་ཅན། སྔོན་ཐོན་དཔེ་བཟང་མི་སྣ་སོགས་ཀྱིས་ཡ་རབས་སྤྱོད་ཚུལ་སྐུལ་སྤེལ་བྱེད་པའི་ལས་དོན་ཁྲོད་དུ་མིག་དཔེའི་ནུས་པ་འདོན་སྤེལ་བྱེད་དགོས།
ལེའུ་གཉིས་པ། དར་སྤེལ་དང་ཚད་ལྡན་གཏོང་བའི་སྐོར།
དོན་ཚན་བརྒྱད་པ། རྒྱལ་ཁབ་ཀྱི་འདུ་ཤེས་འཛིན་པ་དང་། རྒྱལ་གཅེས་རིང་ལུགས་ཀྱི་སྙིང་སྟོབས་དར་སྤེལ་གཏོང་བ། རྒྱལ་ཁབ་ཀྱི་བདེ་འཇགས་དང་། མཚན་སྙན། ཁེ་ཕན་བཅས་སྲུང་སྐྱོང་། རྒྱལ་ཁབ་ཀྱི་གཅིག་གྱུར་དང་མི་རིགས་ཀྱི་མཐུན་སྒྲིལ་སྲུང་སྐྱོང་། རྒྱལ་དར་དང་། རྒྱལ་རྟགས། རྒྱལ་གླུ་བཅས་ཀྱི་ལ་རྒྱ་སྲུང་སྐྱོང་བཅས་བྱེད་དགོས།
རྒྱང་སྐྱོད་ཀྱི་སྙིང་སྟོབས་དང་ཡོམ་འགོག་གནོད་སེལ་གྱི་སྙིང་སྟོབས་དར་སྤེལ། དམར་དམག་རྒྱང་སྐྱོད་དྲན་གསོའི་རྡོ་རིང་གླིང་དང་། ཆུ་གར་ཚོགས་འདུའི་ཚོགས་གནས། ཅོག་ཙེ་ཚོགས་འདུའི་ཚོགས་གནས། དམུ་དགེ་ཚོགས་འདུའི་ཚོགས་གནས། དཔལ་སྐྱིད་ཚོགས་འདུའི་ཚོགས་གནས། “5.12”ཝུན་ཁྲོན་ས་ཡོམ་གེགས་ཁུལ་གྱི་དྲན་གསོ་ཁང་སོགས་གསར་བརྗེའི་ཐོན་ཁུངས་ཀྱི་ནུས་པ་འདོན་སྤེལ་བྱས་ཏེ་སྔོན་གཤེགས་དཔའ་བོར་བརྩི་མཐོང་དང་། སློབ་སྦྱོང་། སྲུང་སྐྱོབ་བཅས་བྱེད་པ་དང་། སྔོན་གཤེགས་དཔའ་བོའི་དྲན་གསོའི་སྒྲིག་བཀོད་ལ་གཅེས་སྤྲས་བྱེད་པ། སྔོན་གཤེགས་དཔའ་བོའི་གདུང་མཆོད་ལམ་ལུགས་དང་གུས་སྲོལ་གྱི་ཚད་གཞི་བརྩི་སྲུང་བྱེད་དགོས། ཕུལ་བྱུང་གི་ས་ཁོངས་རིག་གནས་བརྒྱུད་སྤེལ་བྱས་ནས་རྔ་བའི་ཡ་རབས་གཟུགས་བརྙན་གཏོད་དགོས།
དོན་ཚན་དགུ་བ། སྤྱི་ཚོགས་ཀྱི་སྲོལ་བཟང་དར་སྤེལ་གཏོང་བའི་ཐད་གཤམ་གསལ་སྤྱོད་ཚུལ་ཚད་གཞི་དར་སྤེལ་གཏོང་དགོས་པ་སྟེ།
(གཅིག)དབུལ་སྐྱོར་དང་། དཀའ་སེལ། གེགས་སེལ་སོགས་དགེ་སྒྲུབ་ཀྱི་སྤྱི་ཕན་བྱེད་སྒོར་ཞུགས་པ།
(གཉིས)རིན་མེད་ཁྲག་སྦྱིན་ནང་ཞུགས་པ།
(གསུམ)རང་ངོས་ཀྱི་ནུས་པ་དང་འཚམ་པའི་བདེན་པའི་རྒྱབ་ལངས་ནང་ཞུགས་པ།
(བཞི)དང་བླངས་ཞབས་ཞུའི་བྱེད་སྒོར་ཞུགས་པ།
(ལྔ)ཕ་མར་བསྙེན་བཀུར་དང་རྒན་རབས་ལ་གུས་བཀུར་ཞུ་བ།
(དྲུག)ཁྱོ་ཤུག་འདྲ་མཉམ་དང་། ཕན་ཚུན་བློ་དཀར། ཕན་ཚུན་རོགས་སྐྱོར། ཕན་ཚུན་བརྩི་འཇོག་བཅས་བྱེད་པ།
(བདུན)རྒན་འཁོགས་དང་། ལོ་ན་མ་སོན་པའི་སྐྱེ་བོ་དང་དབང་བོ་སྐྱོན་ཅན་བཅས་ལ་ཐུགས་ཁུར་དང་། སེམས་ཁམས་ཟུར་ཁྲིད་བྱེད་ཤུགས་ཆེ་རུ་གཏོང་བ།
(བརྒྱད)སྤྱི་ཚོགས་ཀྱི་སྲོལ་བཟང་དར་སྤེལ་གཏོང་བའི་སྤྱོད་ཚུལ་གྱི་ཚད་གཞི་གཞན་དག་བཅས་ཡིན།
དོན་ཚན་བཅུ་བ། སྤྱི་ཚོགས་ཀྱི་སྤྱོད་བཟང་སྲུང་སྐྱོང་བྱ་རྒྱུའི་ཐད་གཤམ་གསལ་སྤྱོད་ཚུལ་གྱི་ཚད་གཞིར་བརྩི་སྲུང་ཞུ་དགོས་པ་སྟེ།
(གཅིག)སྤྱོད་པ་ཚུལ་དང་ལྡན་ཞིང་། གྱོན་ཆས་འཚམ་པོ་གྱོན་པ། སྤྱི་སྐད་ཁྱབ་གདལ་དུ་གཏོང་བ་དང་།
(གཉིས)གོ་རིམ་ལྡན་པའི་ངང་གྲལ་བསྒྲིགས་པ་དང་གུས་འདུད་ཞུ་བ།
(གསུམ)ཁ་ལུད་གང་བྱུང་དུ་མི་འཕེན་པ་དང་གཅིན་སྐྱག་གང་བྱུང་དུ་མི་གཏོང་བ།
(བཞི)གློ་ལུ་བ་དང་ཧབ་སྦྲིད་རྒྱག་སྐབས་ཁ་སྣ་འགེབ་པ་དང་། དབུགས་ལམ་གྱི་འགོས་ནད་ཕོག་སྐབས་ཁ་བཏུམ་རྒྱག་པ།
(ལྔ)ཁང་བའི་ནང་གི་མི་མང་འདུ་འཛོམས་བྱ་ཡུལ་དང་། ཁང་བའི་ནང་གི་ལས་ཀ་བྱེད་ས། སྤྱི་པའི་འགྲིམ་འགྲུལ་ཡོ་བྱད་བཅས་ཀྱི་ནང་ཐ་མག་མི་འཐེན་པ(གློག་རྡུལ་ཐ་མག་ཚུད་པ)དང་ཆང་རག་མི་འཐུང་བ་དང་གཞན་ལ་མི་བླུད་པ།
(དྲུག)གད་སྙིགས་གང་བྱུང་དུ་མི་གཏོར་བ་དང་མི་བསྐྱུར་བ།
(བདུན)བར་ཁྱམས་དང་། སྒོ་ར་དང་ཉེ་འཁོར་གྱི་ཁོར་ཡུག་གཙང་སྦྲར་སྲུང་འཛིན་བྱེད་པ།
(བརྒྱད)ཡ་རབས་ཀྱི་སྒོ་ནས་གསང་སྤྱོད་ཁང་བེད་སྤྱོད་བྱེད་རྒྱུ་དང་། སྤྱི་པའི་གསང་སྤྱོད་ཀྱི་གཙང་སྦྲ་སྲུང་སྐྱོང་བྱེད་རྒྱུ། སྤྱི་པའི་འཕྲོད་བསྟེན་སྒྲིག་ཆས་ལ་གཅེས་སྤྲས་དང་ལུགས་མཐུན་ངང་བེད་སྤྱོད་གཏོང་བ།
(དགུ)ཐང་ཆེན་ཞབས་བྲོ་དང་ཚོང་ལས་འགྲེམས་ཚོང་སོགས་སྒྲིག་འཛུགས་བྱས་ཏེ་ལུགས་མཐུན་ངང་དུས་ཚོད་དང་ས་ཆ་འདེམས་ནས་སྐད་དམའ་མོ་བྱེད་པ།
(བཅུ)སྤྱི་ཚོགས་ཀྱི་ཀུན་སྤྱོད་སྲུང་སྐྱོང་བྱེད་པའི་སྤྱོད་ཚུལ་ཀྱི་ཚད་གཞི་གཞན་དག་བཅས་ཡིན།
དོན་ཚན་བཅུ་གཅིག་པ། ཡ་རབས་ངང་ཕྱིར་སྐྱོད་པའི་ཐད་གཤམ་གསལ་སྤྱོད་ཚུལ་གྱི་ཚད་གཞིར་བརྩི་སྲུང་ཞུ་དགོས་པ་སྟེ།
(གཅིག)འགྲིམ་འགྲུལ་བརྡ་གཏོང་གློག་སྒྲོན་གྱི་མཛུབ་སྟོན་ལྟར་བསྐྱོད་དགོས་པ་ལས། གཞུང་ལམ་ཐོག་དངོས་ཟོག་གང་བྱུང་དུ་འཚོང་བ་དང་། སྐྱེལ་བ། སློང་བ་བཅས་བྱེད་མི་རུང་།
(གཉིས)སྤྱི་པའི་འགྲིམ་འགྲུལ་ཁ་ལོ་བས་སྐད་ཆ་ཚུལ་ལྡན་དང་། ཚད་ལྡན་གྱིས་ཞབས་ཞུ་སྒྲུབ་པ་དང་། རླངས་འཁོར་ནང་གི་གཙང་སྦྲར་སྲུང་འཛིན་བྱེད་དགོས།
(གསུམ)སྤྱི་སྤྱོད་རླངས་འཁོར་དང་། གླ་གཏོང་རླངས་འཁོར། དྲ་ཐོག་གླ་གཏོང་རླངས་འཁོར་གྱིས་འགྲུལ་བ་གཡུག་པ་དང་མགོ་སྐོར་བ། སྐྱེལ་འདྲེན་བཀག་འགོག་བྱེད་མི་རུང་།
(བཞི)འཕྲུལ་སྒུལ་འཁོར་ལོ་སྐོར་ནས་ཆུ་བསག་པའི་ལམ་དུ་བརྒྱུད་སྐབས་དམ་མོར་བགྲོད་པ།
(ལྔ)སྤྱི་པའི་འགྲིམ་འགྲུལ་ཡོ་བྱད་ལ་འདུག་སྐབས་རང་འགུལ་གྱིས་སྡོད་ས་སྤྲོད་པ་དང་། གློག་རྡུལ་སྒྲིག་ཆས་ཀྱི་སྒྲ་སྐད་ཕྱི་རུ་མི་གཏོང་བ། ཁ་ལོ་བས་ཁ་ལོ་བསྒྱུར་བར་འགོག་རྐྱེན་མི་བཟོ་བ་བཅས་ཡིན།
(དྲུག)དེ་མིན་གྱི་ཡ་རབས་འགྲོ་སྐྱོད་ཀྱི་སྤྱོད་ཚུལ་ཚད་ལྡན།
དོན་ཚན་བཅུ་གཉིས་པ། གོམས་སྲོལ་བསྒྱུར་བའི་ཐད་གཤམ་གསལ་སྤྱོད་ཚུལ་གྱི་ཚད་གཞིར་བརྩི་སྲུང་བྱེད་དགོས་པ་སྟེ།
(གཅིག)ཁྱིམ་མཚེས་འཆམ་མཐུན་མཉམ་གནས་དང་། གྲོས་མོལ་གྱིས་འགལ་བ་སེལ་བ། འཆལ་གཏམ་གྱིས་འཕྱ་སྨོད་དང་རྩོད་པ་མི་བྱེད་པ།
(གཉིས)གྲོན་ཆུང་དང་ཡ་རབས་ཀྱི་སྒོ་ནས་གཉེན་སྟོན་དང་འདས་མཆོད་སྒྲུབ་པ་དང་། ཆོས་འདོན་དགེ་སྒྲུབ་ཀྱི་མི་གྲངས་དང་དུས་ཚོད་འོས་ཤིང་འཚམ་པ།
(གསུམ)ཡ་རབས་ངང་མཆོད་འབུལ་དང་།གཏན་འགོག་བྱེད་ཁོངས་སུ་མར་མེ་དང་མཆོད་སྤོས་མི་མཆོད་པ་དང་།མཆོད་ལཱ་མི་སྒྲོན་པ། ཤོག་དངུལ་མི་བསྲེགས་པ། མཆོད་རྫས་མི་འབུལ་བ།
(བཞི)གོམས་སྲོལ་བསྒྱུར་བའི་སྤྱོད་ཚུལ་གྱི་ཚད་གཞི་གཞན་དག་བཅས་ཡིན།
དོན་ཚན་བཅུ་གསུམ་པ། ལྗང་མདོག་འཕེལ་རྒྱས་ཀྱི་འདུ་ཤེས་ལག་བསྟར་བྱེད་པའི་ཕྱོགས་ནས་གཤམ་གྱི་སྤྱོད་ཚུལ་ཚད་གཞི་བརྩི་སྲུང་བྱེད་དགོས་ཏེ།
(གཅིག)ཡ་རབས་ངང་ཟ་མ་ཟ་བ་དང་། འོས་འཚམ་ངང་ཟ་མ་འདེམས་པ། གཞུང་ཐུར་སྤྱོད་པ།
(གཉིས)ལྗང་མདོག་ཡ་རབས་ཀྱི་འཚོ་བ་སྐྱེལ་སྟངས་ལག་བསྟར་བྱས་ནས་རྐང་ཐང་དང་རྐང་འཁོར་བཞོན་པའམ་ཡང་ན་སྤྱི་པའི་འགྲིམ་འགྲུལ་ཡོ་བྱད་ནང་བསྡད་ནས་འགྲོ་སྐྱོད་བྱེད་པ།
(གསུམ)ཞིང་སྨན་དང་། ཞིང་ལུད། ཞིང་སྤྱོད་འགྱིག་ཤོག་སོགས་ཞིང་ལས་ལ་གཏོང་བའི་དངོས་རྫས་ཚན་རིག་དང་མཐུན་པར་སྤྱོད་པ།
(བཞི)འཁོར་རྒྱུག་བེད་སྤྱོད་ཐུབ་པའི་ཐོན་རྫས་སྤྱོད་རྒྱུ་དང་། ཐེངས་གཅིག་རང་བཞིན་གྱི་འཛད་སྤྱོད་མཁོ་རྫས་དང་ཚད་བརྒལ་གྱི་ཐུམ་སྒྲིལ་ཐོན་རྫས་སྤྱོད་རྒྱུ་ཉུང་དུ་བཏང་ནས་ཐོན་ཁུངས་གྲོན་ཆུང་བྱེད་པ།
(ལྔ)ལྗང་མདོག་འཕེལ་རྒྱས་ཀྱི་འདུ་ཤེས་ལག་བསྟར་བྱེད་པའི་སྤྱོད་ཚུལ་གྱི་ཚད་གཞི་གཞན་དག་བཅས།
དོན་ཚན་བཅུ་བཞི་བ། དྲ་རྒྱའི་ཡ་རབས་སྲུང་སྐྱོང་བྱེད་པའི་ཐད་གཤམ་གསལ་གྱི་སྤྱོད་ཚུལ་ཚད་གཞིར་བརྩི་སྲུང་བྱེད་དགོས་པ་སྟེ།
(གཅིག)ཡ་རབས་ངང་དྲ་ལམ་ལ་ཞུགས་པ་དང་། ཚུལ་མཐུན་ངང་བསམ་ཚུལ་མཚོན་ཐབས་བྱས་ཏེ་རང་འགུལ་ངང་དྲ་རྒྱའི་སྒྲིག་ལམ་སྲུང་སྐྱོང་བྱེད་པ།
(གཉིས)ཆ་འཕྲིན་རྫུན་མའམ་ཡང་ན་ར་སྤྲོད་མ་བྱུང་བའི་ཆ་འཕྲིན་གཞན་དག་ཁྱབ་སྤེལ་མི་བྱེད་པ་དང་། དཀྲོག་གཏམ་མི་བཟོ་བ། དཀྲོག་གཏམ་ལ་ཡིད་མི་ཆེས། དཀྲོག་གཏམ་བརྒྱུད་བསྒྲགས་མི་བྱེད་པ།
(གསུམ)མི་གཞན་གྱི་ཁེ་དབང་ལ་བརྩི་འཇོག་བྱས་ནས་འཕྱ་སྨོད་དང་། དམའ་འབེབས། སྐུར་འདེབས། འཇིགས་སྐུལ། རྩ་སློག་འཚོལ་བཤེར། བསམ་ངན་ཁོག་བཅུག་གིས་ངན་སྨྲས་སོགས་དྲ་རྒྱའི་དྲག་ཤུགས་སྤྱོད་རིགས་བཀག་འགོག་བྱེད་པ།
(བཞི)སྤྱི་ཚོགས་རིང་ལུགས་ཀྱི་ལྟེ་བའི་རིན་ཐང་ལྟ་བ་དར་སྤེལ་བཏང་ནས་མི་རིགས་ལ་མཐོང་ཆུང་དང་། མི་རིགས་ཀྱི་འཁོན་འགྲས། བཀས་བཀོད་རྒྱུད་འཛིན་གྱི་རྨོངས་དད། དེ་བཞིན་རྫུན་མ། དྲག་ཤུགས། ཆགས་སྲེད། མ་རབས་ཐ་ཤལ་སོགས་ཀྱི་ཆ་འཕྲིན་ངན་པ་བཟོ་བ་དང་། ཁྱབ་བསྒྲགས། བརྒྱུད་བསྒྲགས་བཅས་གཏན་འགོག་བྱེད་པ།
(ལྔ)ལོ་ན་མ་སོན་པའི་སྐྱེ་བོའི་བདེ་འཇགས་འགན་སྲུང་དང་ཁྲིད་སྟོན་བྱས་ཏེ་དྲ་རྒྱ་བེད་སྤྱོད་ལུགས་མཐུན་བྱས་ནས་གཞོན་ནུ་ལོ་ཆུང་གི་དྲ་སྦྲེལ་བྱང་ཚད་མཐོ་རུ་གཏོང་བ།
(དྲུག)དྲ་རྒྱའི་ཡ་རབས་སྲུང་སྐྱོང་གི་སྤྱོད་ཚུལ་གྱི་ཚད་གཞི་གཞན་དག་བཅས་ཡིན།
དོན་ཚན་བཅོ་ལྔ་བ། ཡ་རབས་ཡུལ་སྐོར་ཐད་གཤམ་གསལ་སྤྱོད་ཚུལ་ཚད་གཞི་བརྩི་སྲུང་བྱེད་དགོས་པ་སྟེ།
(གཅིག)རིག་དངོས་གནའ་ཤུལ་དང་། མཛེས་ལྗོངས་གྲགས་ཅན། ཡུལ་སྐོར་སྒྲིག་བཀོད་བཅས་སྲུང་སྐྱོང་དང་། མཛེས་ལྗོངས་ཁུལ་གྱི་གཏན་འབེབས་ལ་བརྩི་སྲུང་བྱེད་པ།
(གཉིས)ཚོང་རྫས་གཉེར་སྐྱོང་མཁན་དང་ཞབས་ཞུ་མཁོ་སྤྲོད་མཁན་གྱིས་ཡུལ་སྐོར་བར་སྤྱི་ཚོགས་ཀྱི་སྤྱི་པའི་སྤྱོད་བཟང་ལས་འགལ་བའི་ཚོང་རྫས་དང་ཞབས་ཞུའི་རྣམ་གྲངས་མཁོ་སྤྲོད་བྱས་མི་ཆོག ཁ་དན་ཚིག་གནས་ཀྱིས་གཉེར་སྐྱོང་དང་། འདྲ་མཉམ་གྱིས་འགྲན་རྩོད། རིན་གོང་གསལ་བཀོད་བྱས་ནས་འཛད་སྤྱོད་པར་མགོ་སྐོར་མི་གཏོང་བ།
(གསུམ)ཡུལ་སྐོར་ལས་དོན་ཁང་དང་ཡུལ་སྐོར་སྣེ་ཤན་པས་ལས་རིགས་ཀྱི་ཀུན་སྤྱོད་བརྩི་སྲུང་བྱས་ཏེ་ཡ་རབས་ཡིད་རྟོན་གྱི་ཞབས་ཞུ་མཁོ་འདོན་བྱེད་པ།
(བཞི)དེ་མིན་གྱི་ཡ་རབས་ཡུལ་སྐོར་གྱི་སྤྱོད་ཚུལ་ཚད་གཞི་གཞན་དག
ལེའུ་གསུམ་པ། ལྟ་སྐུལ་དང་བཅོས་སྐྱོང་བྱེད་པའི་སྐོར།
དོན་ཚན་བཅུ་དྲུག་པ། རྫོང་(གྲོང་ཁྱེར)མི་དམངས་སྲིད་གཞུང་གིས་ངེས་པར་དུ་སྲོལ་ཡིག་འདིའི་གཏན་འབེབས་གཞིར་བཟུང་ནས་མཐུན་སྦྱོར་མཉམ་འགུལ་གྱི་ཕྱོགས་བསྡུས་བཅོས་སྐྱོང་ལས་ཀའི་ལམ་སྲོལ་འཛུགས་པ་དང་འཐུས་སྒོ་ཚང་དུ་བཏང་སྟེ་མངོན་གསལ་དོད་པའི་གནད་དོན་ལ་གཙོ་གནད་ཐོག་ལྟ་སྐུལ་དོ་དམ་དང་། མཉམ་འབྲེལ་ཐོག་ཁྲིམས་འཛིན། ཆེད་དོན་བཅོས་སྐྱོང་བཅས་བྱེད།
འབྲེལ་ཡོད་སྲིད་འཛིན་གཙོ་སྐྱོང་སྡེ་ཁག་གིས་རང་ཉིད་ཀྱི་གཙོ་སྐྱོང་ལས་རིགས་དང་ཁྱབ་ཁོངས་ནང་གི་མ་རབས་སྤྱོད་ཚུལ་ལ་དུས་རྒྱུན་དུ་ཞིབ་བཤེར་བྱ་རྒྱུར་ཤུགས་སྣོན་བརྒྱབ་སྟེ་ཚུལ་མིན་སྤྱོད་ཚུལ་དུས་ཐོག་ཏུ་ཤེས་རྟོགས་དང་། བཀག་སྡོམ་སློབ་གསོ། བཀག་འགོག ཞིབ་བཤེར་ཐག་གཅོད་བཅས་བྱེད།
མ་རབས་ཀྱི་སྤྱོད་ཚུལ་སྤེལ་བར་བཅའ་ཁྲིམས་ཀྱི་འགན་འཁྲི་བདའ་འདེད་གཏོང་མི་དགོས་པའི་སྡེ་ཚན་ནམ་མི་སྒེར་ལ་ཡོ་བསྲང་བྱེད་འགན་དཀྲི་རྒྱུ་སོགས་ཀྱི་བྱེད་ཐབས་སྤྱད་དེ་མ་རབས་ཀྱི་སྤྱོད་ཚུལ་ཡོ་བསྲང་བྱེད་དགོས།
དོན་ཚན་བཅུ་བདུན་པ། རྫོང(གྲོང་ཁྱེར)དང་ཡུལ་ཚོ(གྲོང་རྡལ)མི་དམངས་སྲིད་གཞུང་གིས་སྲིད་འཛིན་ས་ཁོངས་དེ་གའི་གྲོང་མི(སྡོད་དམངས)ཨུ་ཡོན་ལྷན་ཁང་དང་། ཁང་བདག་ཨུ་ཡོན་ལྷན་ཁང་། ལས་རིགས་མཐུན་ཚོགས་སོགས་གྲོང་སྲོལ་དམངས་ཆིངས(སྡོད་དམངས་སྤྱི་ཆིངས)དང་། ཁང་བདག་སྤྱི་ཆིངས། ལས་རིགས་མཐུན་ཚོགས་ཀྱི་སྒྲིག་ཡིག་བཅས་ཀྱི་ཁྲོད་དུ་ཡ་རབས་སྤྱོད་ཚུལ་ལ་སྐུལ་སྤེལ་གཏོང་བའི་ནང་དོན་ནང་འཇུག་རྒྱུར་མཛུབ་ཁྲིད་དང་སྐུལ་སྤེལ་གཏོང་བ།
གྲོང་མི(སྡོད་དམངས)ཨུ་ཡོན་ལྷན་ཁང་གིས་ས་གནས་དེ་གའི་གནས་ཚུལ་དངོས་ལ་གཞིགས་ནས། རང་སྐྱོང་གི་གོ་རིམ་དང་ཚད་གཞི་བརྒྱུད་ནས།གཉེན་སྟོན་དང་འདས་མཆོད་ཀྱི་གཞི་ཁྱོན་དང་། ཚད་གཞི། ཁྱབ་ཁོངས། གཉེན་རྟེན་དང་། སྐྱེས་དངུལ། ལེགས་སྐྱེས་སོགས་ཀྱི་ཆེས་མཐོའི་ཚད་གཞི། དེ་བཞིན་གྲོང་ཁྱེར་དང་གྲོང་གསེབ་ཀྱི་ཁོར་ཡུག་ཕྱོགས་བསྡུས་བཅོས་སྐྱོང་དང་། ཡུལ་སྲོལ་ཡ་རབས། བབ་ཆགས་དམངས་སྲོལ་འཛུགས་སྐྱོང་སོགས་འབྲེལ་ཡོད་དོན་ཚན་དེ་གྲོང་སྲོལ་དམངས་ཆིངས་(སྡོད་དམངས་སྤྱི་ཆིངས)ཀྱི་ནང་དོན་གཙོ་བོར་བརྩིས་ནས་ཁོངས་མི་ཡོངས་ཀྱིས་ཐུན་མོང་ཐོག་བརྩི་སྲུང་ཞུ་རྒྱུར་ཁྲིད་སྟོན་བྱེད་དགོས།
དོན་ཚན་བཅོ་བརྒྱད་པ། རང་སྐྱོང་ཁུལ་དང་རྫོང་(གྲོང་ཁྱེར)མི་དམངས་སྲིད་གཞུང་གི་འབྲེལ་ཡོད་སྡེ་ཁག་གིས་མ་རབས་ཀྱི་སྤྱོད་ཚུལ་ཐེར་འདོན་གོང་ཞུ་དང་། ཞུ་གཏུག ཞིབ་བཤེར་ཐག་གཅོད་བཅས་བྱེད་པའི་ལམ་ལུགས་འཛུགས་པ་དང་། ཞུ་གཏུག་ཐེར་འདོན་ཁ་པར་ཨང་གྲངས་དང་ཡིག་སྒམ་སོགས་ཁྱབ་བསྒྲགས་བྱས་ནས་དུས་ཐོག་ཏུ་ཚུལ་མིན་གྱི་སྤྱོད་ཚུལ་བདག་སྤྲོད་དང་ཞིབ་བཤེར་ཐག་གཅོད་བྱེད་དགོས། ཐེར་འདོན་གོང་ཞུ་བྱེད་མཁན་དང་ཞུ་གཏུག་བྱེད་མཁན་གྱི་ཐོབ་ཐང་ཆ་འཕྲིན་སོགས་གསང་དགོས།
སྡེ་ཚན་གང་ཞིག་དང་མི་སྒེར་སུ་ཞིག་ལ་མ་རབས་ཀྱི་སྤྱོད་ཚུལ་དང་ཡ་རབས་སྤྱོད་ཚུལ་ལ་སྐུལ་སྤེལ་གཏོང་བའི་ལས་ཀའི་འགན་འཁྲི་མི་བསྒྲུབ་པའི་སྡེ་ཚན་དང་ལས་བྱེད་པར་ཐེར་འདོན་དང་ཞུ་གཏུག་བྱེད་དབང་ཡོད།
དོན་ཚན་བཅུ་དགུ་བ། སྤྱི་པའི་ཁོར་ཡུག་གི་སྒྲིག་ལམ་སྲུང་སྐྱོང་བྱ་རྒྱུའི་ཐད་གཤམ་གསལ་སྤྱོད་ཚུལ་དག་གཙོ་གནད་དུ་བཟུང་ནས་བཅོས་སྐྱོང་བྱེད་དགོས་པ་སྟེ།
(གཅིག)ཁང་བ་དང་བཟོ་བཀོད་དངོས་པོའི་ནང་ནས་ཕྱི་ལ་དངོས་རྫས་དབྱུག་པ་དང་།
(གཉིས)མི་ཁ་འགྲེམ་སའི་བགྲོད་ལམ་དང་། ཉེན་མེད་ཐོན་སྒོ། མེ་གསོད་བགྲོད་ལམ། གེགས་མེད་སྒྲིག་བཀོད་བཅས་བཟུང་སྤྱོད་དང་བཀག་སྡོམ་བྱེད་པ།
(གསུམ)རང་དགར་བཟོ་བཀོད་དངོས་པོ་དང་།གྲོང་ཁྱེར་གྱི་སྤྱི་སྤྱོད་སྒྲིག་བཀོད། སྦུག་ལམ་དང་གློག་སྐུད་དང་དེ་བཞིན་སྒྲིག་བཀོད་གཞན་དག་དང་ལྗོན་ཤིང་བཅས་ཀྱི་ཐོག་སྦྱར་བ། འགེལ་བ།རི་མོ་འབྲི་བ་དང་བརྐོ་བ།
(བཞི)ཁང་ར་དང་ར་སྐོར། ལྗང་ར་ལ་སོགས་པའི་སྒྲིག་བཀོད་ལ་འཛེག་པའམ་བརྒལ་བ་ཡང་ན་གཏོར་སྐྱོན་བཏང་བ།
(ལྔ)ལམ་བཟུང་གཉེར་སྐྱོང་བྱས་ནས་གྲོང་ཁྱེར་གྱི་རྣམ་པ་དང་ཁོར་ཡུག་གི་སྒྲིག་ལམ་དཀྲུག་པ།
(དྲུག)སྤྱི་པའི་ཁོར་ཡུག་གི་ལག་ལེན་བསྟར་བའི་སྤྱི་སྒྲིག་སྲོལ་བཟང་དང་འགལ་བའི་མ་རབས་ཀྱི་སྤྱོད་ཚུལ་གཞན་དག་བཅས་ཡིན།
དོན་ཚན་ཉི་ཤུ་བ། སྤྱི་པའི་ཁོར་ཡུག་གི་འཕྲོད་བསྟེན་སྲུང་སྐྱོང་བྱེད་པའི་ཐད་གཤམ་གསལ་སྤྱོད་ཚུལ་གཙོ་གནད་དུ་བཟུང་ནས་བཅོས་སྐྱོང་བྱེད་དགོས་པ་སྟེ།
(གཅིག)གཏན་འབེབས་ལྟར་རིགས་དབྱེ་ནས་གད་སྙིགས་མི་འཇོག་པ་དང་། གད་སྙིགས་གང་བྱུང་དུ་བསྐྱུར་བ་དང་མེར་བསྲེགས་པ། གཏན་འབེབས་ལྟར་ཟ་ཁང་གི་གད་སྙིགས་བསྡུ་རུབ་དང་། དབོར་འདྲེན། གཙང་བཅོས་བཅས་མི་བྱེད་པ།
(གཉིས)བཀག་སྡོམ་ས་ཁོངས་ནང་ཤོག་སྦག་འགད་པ།
(གསུམ)ཐ་མག་འཐེན་མི་ཆོག་སར་ཐ་མག་འཐེན་པ།
(བཞི)རིམས་ནད་འགོག་བཅོས་དང་འབྲེལ་བ་ཡོད་པའི་འོས་འགན་མི་སྒྲུབ་པ་དང་། སྔོན་འགོག་དང་ཚོད་འཛིན། དེ་བཞིན་མཁོ་བསྟུན་བྱེད་ཐབས་བཅས་ལག་བསྟར་བྱེད་པར་གཞོགས་འདེགས་མི་བྱེད་པ། འབྲེལ་ཡོད་གནས་ཚུལ་ཇི་མ་ཇི་བཞིན་མཁོ་འདོན་མི་བྱེད་པ།
(ལྔ)སྤྱི་པའི་ཁོར་ཡུག་འཕྲོད་བསྟེན་ལ་གནོད་པའི་ཚུལ་མིན་གྱི་སྤྱོད་ཚུལ་གཞན་དག
དོན་ཚན་ཉེར་གཅིག་པ། འགྲིམ་འགྲུལ་འགྲོ་སྐྱོད་ཐད་གཤམ་གསལ་སྤྱོད་ཚུལ་གཙོ་གནད་དུ་བཟུང་ནས་བཅོས་སྐྱོང་བྱེད་དགོས་པ་སྟེ།
(གཅིག)འཕྲུལ་སྒུལ་རླངས་འཁོར་གང་འདོད་དུ་འཇོག་པ་དང་། གང་འདོད་དུ་བར་འཛུལ། སྐད་ཅོར་སྒྲོག་པ་དང་། གློག་འོད་བཀོལ་སྤྱོད་ཚད་ལྡན་མིན་པ། ལམ་འགྲོ་བར་བརྩི་བཀུར་མི་བྱེད་པ། ཁྲིམས་འགལ་གྱིས་འཕྲལ་བསྟུན་བགྲོད་ལམ་བཟུང་བ།
(གཉིས)རྐང་འཁོར་གྱི་རིགས་འགྲིམ་འགྲུལ་གྱི་སྒྲིག་སྲོལ་ལྟར་བསྐྱོད་མེད་པ་དང་། གཏན་འབེབས་ལྟར་མི་འཇོག་པ།
(གསུམ)རླངས་འཁོར་ནང་ནས་དངོས་པོ་ཕྱིར་འཕེན་པ།
(བཞི)འཕྲུལ་རྟ་དང་གློག་སྒུལ་འཕྲུལ་འཁོར་རིགས་ཀྱི་ཁ་ལོ་བའམ་ཡང་ན་སྡོད་མཁན་གྱིས་བདེ་འཇགས་ཞྭ་མོ་མི་གྱོན་པ།
(ལྔ)འགྲོ་ལམ་གང་འདོད་ཀྱིས་བརྒལ་བ་དང་འགྲིམ་འགྲུལ་ལོགས་འབྱེད་ལྕགས་ར་ལས་བརྒལ་བའམ་ཡང་ན་དེར་བརྟེན་ནས་སྡོད་པ།
(དྲུག)ཁ་ལོ་བའི་བདེ་འཇགས་དང་འགྲིམ་འགྲུལ་གྱི་སྒྲིག་ལམ་ལ་ཤུགས་རྐྱེན་ཐེབས་པའི་མ་རབས་ཀྱི་སྤྱོད་ཚུལ་གཞན་དག་བཅས་ཡིན།
དོན་ཚན་ཉེར་གཉིས་པ། གྲོང་ཁྱེར་དང་གྲོང་གསེབ་སྡེ་ཁུལ་གྱི་ཡ་རབས་སྲུང་སྐྱོང་བྱེད་པའི་ཐད་གཤམ་གསལ་སྤྱོད་ཚུལ་གཙོ་གནད་དུ་བཟུང་ནས་བཅོས་སྐྱོང་བྱེད་དགོས་པ་སྟེ།
(གཅིག)བར་ཁྱམས་དང་། ཁང་ཐོག་སོགས་སྤྱི་པའི་ས་ཁོངས་བཟུང་སྟེ་དངོས་ཟོག་འཇོག་པ།
(གཉིས)ཁྲིམས་འགལ་གྱིས་བཟོས་པ། སྤང་ལྗོངས་དང་། ས་སྟོང་། བགྲོད་ལམ་སོགས་སྤྱི་པའི་ས་ཁོངས་བཟུང་སྤྱོད་བྱེད་རིགས།
(གསུམ)སྤྱི་པའི་ཁོར་ཡུག་ཏུ་ཁྱིམ་བྱ་དང་སྒོ་ཕྱུགས་གསོ་བའམ་ཡང་ན་ཁྱིམ་བྱ་དང་སྒོ་ཕྱུགས་རྒྱ་ཡན་དུ་བཏང་ནས་སྤྱི་པའི་ཁོར་ཡུག་ཏུ་འཛུལ་བ།
(བཞི)ཆུ་དང་། གློག སོལ་རླངས། འཕྲིན་གཏོང་སོགས་ཀྱི་སྒྲིག་བཀོད་རང་མཚམས་ཀྱིས་ལེན་པ་དང་འཐེན་པ།
(ལྔ)སྣུམ་གྱི་དུ་འདྲེན་སྦུག་ལམ་དང་དྲོད་སྙོམ་འཕྲུལ་ཆས་ཀྱི་ཕྱི་བཀལ་འཕྲུལ་ཆས་བཟོ་བཀོད་དང་འཐེན་པ་ལུགས་མཐུན་མིན་པ་དང་། བཟའ་བཏུང་ཞབས་ཞུའི་ལས་རིགས་གཉེར་སྐྱོང་མཁན་གྱིས་སྣུམ་དང་དུ་བ་གཏན་འབེབས་ལྟར་མ་ཕུད་པས་གྲོང་ཁྱེར་གྱི་མཛེས་ཉམས་དང་དེ་བཞིན་མི་གཞན་གྱི་རྒྱུན་གཏན་གྱི་ཐོན་སྐྱེད་དང་འཚོ་བའི་སྒྲིག་ལམ་ལ་ཤུགས་རྐྱེན་ཐེབས་པ།
(དྲུག)གཞུང་ལམ་བཅད་ནས་འབྲུ་རིགས་དང་གཟན་རྩྭ་ཉི་སྐམ་བྱེད་པ་དང་། གད་སྙིགས་སྤུངས་བ་སོགས།
(བདུན)གཅིན་སྐྱག་གང་བྱུང་དུ་གཏོང་བ་དང་། ཕྱུགས་རིགས་དང་བྱ་རིགས་ཀྱི་རོ་གང་བྱུང་དུ་དབྱུག་པ།
(བརྒྱད)ཞིང་སྨན་དང་། ལུད་རྫས་ཀྱི་ཐུམ་སྒྲིལ་དངོས་པོ། ཞིང་སྤྱོད་ས་ཞིང་གི་སྐྱི་མོ་སོགས་གད་སྙིགས་གང་བྱུང་དུ་དབྱུག་པ།
(དགུ)ཞིབ་བཤེར་ཆོག་མཆན་མ་ཐོབ་པའམ་ཡང་ན་འབྲེལ་ཡོད་ཀྱི་མེ་འགོག་བྱེད་ཐབས་དོན་འཁྱོལ་མ་བྱས་པར།ཞིང་ཁའི་འགྲམ་ཟུར་མེ་གཏོང་བ་སོགས་ཕྱི་རོལ་དུ་ཞིང་ལས་སྐྱེ་དངོས་ཀྱི་སོག་མ་བསྲེགས་པ།
(བཅུ)སྡེ་ཁུལ་གྱི་སྒྲིག་ལམ་ལ་ཤུགས་རྐྱེན་ཐེབས་པའི་མ་རབས་ཀྱི་སྤྱོད་ཚུལ་གཞན་དག་བཅས་ཡིན།
དོན་ཚན་ཉེར་གསུམ་པ། སྐྱེ་ཁམས་དཔལ་ཡོན་ཐད་གཤམ་གསལ་སྤྱོད་ཚུལ་གཙོ་གནད་དུ་བཟུང་ནས་བཅོས་སྐྱོང་བྱེད་དགོས་པ་སྟེ།
(གཅིག)ཆུ་བོ་དང་། མཚེའུ། བརླན་ས་སོགས་ཆུ་ལ་བཙོག་ཆུ་ཚད་ལས་བརྒལ་བ་གཏོང་བ་དང་། གད་སྙིགས་གཏོར་བ། གཏན་འབེབས་ལས་འགལ་ཏེ་ཆུ་རགས་དང་། གྲམ་ཐང་བཟུང་བའམ་བྱེ་རྡོ་སྔོག་འདོན་བྱེད་པ།
(གཉིས)ནགས་ཚལ་དང་རྩྭ་ཐང་གི་མེ་ཟོན་ཐད་ཀྱི་འབྲེལ་ཡོད་གཏན་འབེབས་ལས་འགལ་ཏེ་ཕྱི་རོལ་དུ་མེ་བེད་སྤྱོད་བྱེད་པའི་བྱ་སྤྱོད།
(གསུམ)ཕྱི་ནས་འོང་བའི་དངོས་རིགས་རང་དགར་དུ་ཚེ་ཐར་གཏོང་བ།ཁྲིམས་འགལ་ངང་རི་སྐྱེས་སྲོག་ཆགས་ལ་གནོད་འཚེ་གཏོང་བ་དང་། འཛིན་བཟུང་དང་རྔོན་པ། ཉོ་ཚོང་དང་ཟ་བཅས་བྱེད་པ་དང་། རི་སྐྱེས་སྲོག་ཆགས་ཀྱི་ཐོན་རྫས་ཉོ་ཚོང་དང་བེད་སྤྱོད་པ། ཁྲིམས་འགལ་ངང་རི་སྐྱེས་རྩི་ཤིང་དང་དེ་བཞིན་བཟོས་རྫས་འཚོལ་བསྡུ་དང་འཚོང་བ།
(བཞི)ཉ་འཛིན་མི་ཆོག་ས་དང་ཉ་འཛིན་མི་ཆོག་པའི་དུས་སྐབས་རིང་ལ་ཉ་འཛིན་པའང་ཡང་ན་ཉ་བཀད་པ་དང་།ཉ་དུག་པ།གློག་སྤྱད་ནས་ཉ་གསོད་པ་སོགས་ཉ་ལས་ཐོན་ཁུངས་གཏོར་བརླག་གཏོང་བའི་བྱེད་ཐབས་ལ་བརྟེན་ནས་འཛིན་འདོན་བྱེད་རིགས།
(ལྔ)སྣུམ་སྙིགས་དང་། སྣུམ་ཕྱིང་། འགྱིག སྤོས་འགྱིག ཀོ་རིགས། གད་སྙིགས་བཅས་དང་དེ་བཞིན་དུག་ལྡན་གནོད་ལྡན་གྱི་ཐལ་རྡུལ་དང་དྲི་ངན་ཆེ་བའི་རླངས་གཟུགས་ཐོན་པའི་དངོས་རིགས་མེར་སྲེག་པ།
(དྲུག)ཁྲིམས་དང་མི་མཐུན་པར་འདམ་སོལ་སྔོག་འདོན་དང་། རང་བྱུང་བརླན་ས་སྐམ་པོར་བསྒྱུར་བ། རྩྭ་ཐང་ལ་གཏོར་བརླག་གཏོང་བ།
(བདུན)སྐྱེ་ཁམས་དཔལ་ཡོན་འཛུགས་སྐྲུན་ལ་ཤུགས་རྐྱེན་ཐེབས་པའི་ཚུལ་མིན་སྤྱོད་ཚུལ་གཞན་དག་བཅས་ཡིན།
དོན་ཚན་ཉེར་བཞི་བ། གཅེས་ཉར་སྲོག་ཆགས་གསོ་ཚགས་བྱེད་པའི་ཐད་གཤམ་གསལ་གྱི་སྤྱོད་ཚུལ་གཙོ་གནད་དུ་བཟུང་ནས་བཅོས་སྐྱོང་བྱེད་དགོས་པ་སྟེ།
(གཅིག)གཏན་འབེབས་ལྟར་ལག་ཁྱེར་མི་ལེན་པ་དང་། གཅེས་ཉར་སྲོག་ཆགས་ཀྱི་རྟགས་མི་ལེན་པ། རིམས་འགོག་སྨན་ཁབ་མི་རྒྱག་པ།
(གཉིས)གཅེས་ཉར་སྲོག་ཆགས་གློག་སྐས་ནང་དང་སྤྱི་པའི་ཁོར་ཡུག་ཏུ་ཁྲིད་པ་དང་།གཅེས་ཉར་སྲོག་ཆགས་ལ་མཆུ་ཤུབས་མི་གོན་པ་དང་། གཅེས་ཉར་སྲོག་ཆགས་གཅེས་ཉར་སྲོག་ཆགས་ཀྱི་ཁུག་མ་དང་གཅེས་ཉར་སྲོག་ཆགས་ཀྱི་གཟེབ་ནང་མི་འཇུག་པ།
(གསུམ)གཅེས་ཉར་སྲོག་ཆགས་ཁྱིམ་ནས་ཕྱིར་འཁྱེར་སྐབས་འདྲུད་འཐེན་ཐག་པ་མི་འདྲུད་པ་དང་། རང་འགུལ་ངང་མི་ལ་མི་བཟུར་བ། དུས་ཐོག་ཏུ་གཅིན་སྐྱག་གཙང་སེལ་མི་བྱེད་པ་བཅས།
(བཞི)གཅེས་ཉར་སྲོག་ཆགས་ཀྱིས་མི་གཞན་པའི་རྒྱུན་ལྡན་གྱི་བྱ་བ་དང་ངལ་གསོ་ལ་ཤུགས་རྐྱེན་བཟོ་བ།
(ལྔ)ཁྱི་གསོ་སྐབས་ལམ་འགྲམ་དང་གྲོང་སྡེའི་ནང་དུ་ལྕགས་ཐག་གིས་ཁྱི་མ་བཏགས་པས་མི་གཞན་ལ་གནོད་འཚེ་གཏོང་བ་དང་མི་གཞན་གྱི་ཐོན་སྐྱེད་དང་འཚོ་བར་འགོག་རྐྱེན་བཟོ་བ།
(དྲུག)གསོ་ཚགས་བྱས་པའི་གཅེས་ཉར་སྲོག་ཆགས་དོར་བ།
(བདུན)གཏན་འབེབས་ལྟར་གཅེས་ཉར་སྲོག་ཆགས་གསོ་བའི་ཚུལ་མིན་གྱི་སྤྱོད་ཚུལ་གཞན་དག
ལེའུ་བཞི་བ། འགན་སྲུང་དང་སྐུལ་སྤེལ་བྱེད་པའི་སྐོར།
དོན་ཚན་ཉེར་ལྔ་བ། རང་སྐྱོང་ཁུལ་དང་རྫོང་(གྲོང་ཁྱེར)མི་དམངས་སྲིད་གཞུང་དང་དེའི་འབྲེལ་ཡོད་སྡེ་ཁག་གིས་གཤམ་གསལ་གྱི་སྤྱི་པའི་སྒྲིག་བཀོད་འཛུགས་སྐྲུན་དང་འཐུས་ཚང་དུ་གཏོང་དགོས་པ་སྟེ།
(གཅིག)སྤྱི་པའི་འགྲིམ་འགྲུལ་ཡོ་བྱད་དང་། སྤྱི་སྤྱོད་རླངས་འཁོར་གྱི་འབབ་ཚིགས། འགྲིམ་འགྲུལ་མཚོན་བྱེད་ལམ་རྟགས། རླངས་འཁོར་འཇོག་ས།གློག་རྡུལ་ལྟ་སྐུལ་ཚོད་འཛིན་བརྙན་ཤེལ་སོགས་འགྲིམ་འགྲུལ་སྒྲིག་ཆས།
(གཉིས)འགྲོ་ལམ་དང་། ཁྲོམ་ལམ། ཐང་ཆེན། རླངས་འཁོར་འཇོག་ས། སྤྱི་གླིང་། སྤང་སོགས་སྤྱི་པའི་ཁོར་ཡུག་གི་གློག་སྒྲོན་སྒྲིག་ཆས།
(གསུམ)སྡེ་ཁུལ་རྙིང་བའི་བསྒྱུར་བཀོད་དང་། ནུས་རྒྱུ་གསར་བའི་རླངས་འཁོར་གྱི་གློག་གསོག་ཕུར་བུ། གྲོང་ཁྱེར་གྱི་སྦུག་ལམ་དྲ་བ། གྲོང་གསེབ་ཀྱི་སྦུག་ལམ་དྲ་རྒྱ། སྤྱི་པའི་གསང་སྤྱོད་ཁང་། གད་སྙིགས་བསྡུ་རུབ་གཙང་སེལ་སྐྱེལ་འདྲེན། བཙོག་ཆུ་བསྡུ་རུབ་གཙང་སེལ་སོགས་ཀྱི་རྨང་གཞིའི་སྒྲིག་བཀོད། དེ་བཞིན་ཁོར་ཡུག་གཙང་སྤྲ་བྱེད་མཁན་གྱི་གནས་སྐབས་ཀྱི་ངལ་གསོ་སྒྲིག་བཀོད།
(བཞི)དཔེ་མཛོད་ཁང་དང་། དངོས་མང་བཤམས་སྟོན་ཁང་། རིག་གནས་ཁང་།(ས་ཚིགས) མཛེས་རྩལ་ཁང་། ཚན་རྩལ་ཁང་། དྲན་གསོ་ཁང་། ལུས་རྩལ་ཁང་དང་ར་བ། གཞོན་ནུ་དང་ལོ་ཆུང་གི་ཕོ་བྲང་། སྤྱི་གླིང་། ཐང་ཆེན་སོགས་སྤྱི་པའི་ཞབས་ཞུའི་སྒྲིག་བཀོད།
(ལྔ)པུར་འཇུག་དུར་སྐྱེལ་ཁང་དང་། པུར་སྲེག་ཁང་། སྤྱི་བའི་དུར་ས་སོགས་པུར་འཇུག་སྒྲིག་བཀོད།
(དྲུག)སྲིད་འཛིན་ས་ཁོངས་དང་། མཛེས་ལྗོངས་ཁུལ། སྡོད་གནས་སྡེ་ཁུལ། ཁྲོམ་ལམ། ཐོག་ཁང་། སྒོ་བྱང་སོགས་ས་མིང་གནས་སྟོན་སྒྲིག་བཀོད།
(བདུན)མཚམས་སྦྱོར་བརྡ་ཁྱབ་དང་དྲིལ་བསྒྲགས་གསལ་སྒྲོམ་སོགས་ཀྱི་མཚམས་སྦྱོར་བརྡ་ཁྱབ་དང་དྲིལ་བསྒྲགས་སྒྲིག་བཀོད།
(བརྒྱད)མེ་ཟོན་བགྲོད་ལམ་དང་ཆུ་གསོག་རྫིང་བུ་སོགས་ནགས་ཚལ་དང་རྩྭ་ཐང་གི་མེ་འགོག་མེ་གསོད་རྨང་གཞིའི་སྒྲིག་བཀོད།
(དགུ)ཐ་མག་འཐེན་མི་ཆོག་སར་ཐ་མག་འཐེན་མི་ཆོག་པའི་མཚོན་རྟགས་མངོན་གསལ་འཇོག་པ།
(བཅུ)ཡ་རབས་ཀྱི་སྤྱོད་ཚུལ་ལ་སྐུལ་སྤེལ་གཏོང་བ་དང་འབྲེལ་བ་ཡོད་པའི་སྒྲིག་བཀོད་གཞན་དག་བཅས།
དོན་ཚན་ཉེར་དྲུག་པ། གྲོང་ཁྱེར་དང་གྲོང་གསེབ་འཛུགས་སྐྲུན་བྱེད་རིང་ལོང་བ་འགྲོ་སའི་ལམ་དང་། ཐུར་ལམ། གློག་སྐས། འགོག་རྐྱེན་མེད་པའི་རླངས་འཁོར་འཇོག་ས། དེ་བཞིན་གེགས་མེད་སྒྲིག་བཀོད་བཅས་འཆར་འགོད་དང་། འཛུགས་སྐྲུན། བསྒྱུར་བཀོད་བཅས་བྱེད།
སྲིད་དོན་ཚོམས་ཆེན་དང་། གནམ་གྲུ་ཐང་། རླངས་འཁོར་འབབ་ཚུགས། སྨན་ཁང་། མཛེས་ལྗོངས་ཁུལ། ཚོང་ར་ཆེ་གྲས། རིག་གནས་ལུས་རྩལ་ཁང་སོགས་སྤྱི་པའི་ཁོར་ཡུག་གི་སྤྱི་པའི་ཞབས་ཞུ་བྱེད་གནས་སུ་གེགས་མེད་གསང་སྤྱོད་ཁང་དང་མ་བུ་ཁང་འཛུགས་སྐྲུན(སྒྲིག་བཀོད)བྱེད་དགོས། སྤྱི་པའི་གསང་སྤྱོད་ལ་དབང་བོ་སྐྱོན་ཅན་དང་། རྒན་འཁོགས། སྐྱེ་བོ་ལོ་ན་ཕྲ་རིགས་བཅས་དང་དེ་བཞིན་འགྲོ་སྐྱོད་མི་བདེ་བའི་མིའི་སྤྱོད་ཐུབ་པའི་གསང་སྤྱོད་སྟབས་བདེ་བཀོད་སྒྲིག་བྱེད།
དོན་ཚན་ཉེར་བདུན་པ། དྲ་སྦྲེལ་ཐོག་རླངས་འཁོར་བོགས་གཏོང་ལས་གཉེར་བྱེད་མཁན་གྱིས་གོ་རིམ་ལྡན་པའི་ངང་རླངས་འཁོར་གཏོང་བ་དང་། ཚན་རིག་དང་མཐུན་པའི་ངང་རླངས་འཁོར་བཀོད་གཏོང་བྱེད་པ། གློག་རྡུལ་ར་སྐོར་སོགས་ཀྱི་ལག་རྩལ་བྱ་ཐབས་སྤྱད་དེ་རླངས་འཁོར་བོགས་གཏོང་མཁན་ལ་ཚད་ལྡན་ངང་རླངས་འཁོར་འཇོག་རྒྱུའི་ཁྲིད་སྟོན་བྱེད་པ། སྒྲིག་སྲོལ་ལས་འགལ་ནས་རླངས་འཁོར་འཇོག་པ་དང་། བདེ་འཇགས་ཀྱི་མི་མངོན་པའི་རྐྱེན་ངན་གནས་པ། བེད་སྤྱོད་མི་ཐུབ་པའི་རླངས་འཁོར་དུས་ཐོག་ཏུ་གཙང་བཤེར་བྱས་ནས་རླངས་འཁོར་གཙང་སྦྲ་ལྡན་པར་སྲུང་སྐྱོང་བྱེད།
དོན་ཚན་ཉེར་བརྒྱད་པ། ཚགས་པར་དང་དུས་དེབ། རྒྱང་བསྒྲགས། བརྙན་འཕྲིན། དྲ་རྒྱ་སོགས་སྤྱི་པའི་སྨྱན་སྦྱོར་དང་དྲིལ་བསྒྲགས་བྱེད་ས་སྣ་ཚོགས་ཀྱིས་ཡ་རབས་སྤྱོད་ཚུལ་སྐུལ་སྤེལ་བྱེད་པའི་ལས་དོན་དེ་སྤྱི་ཕན་དྲིལ་བསྒྲགས་ཀྱི་ནང་དོན་དུ་བཅུག་སྟེ། དུས་བཀག་ལྟར་ཡ་རབས་སྤྱོད་ཚུལ་གྱི་སྤྱི་ཕན་བརྡ་ཁྱབ་སྤེལ་བ་དང་། ཡ་རབས་སྤྱོད་ཚུལ་ཀྱི་སྔོན་ཐོན་བྱས་རྗེས་ཁྱབ་སྤེལ་བྱེད་པ། མ་རབས་སྤྱོད་ཚུལ་ལ་གླེང་ཕྱོགས་ཐོག་ནས་ལྟ་སྐུལ་བྱེད།
ཁྲོམ་ལམ་དང་། ཐང་ཆེན། སྤྱི་གླིང་། མཛེས་ལྗོངས་ཁུལ་སོགས་སྤྱི་པའི་ཁོར་ཡུག་དང་དེ་བཞིན་སྤྱི་སྤྱོད་འགྲིམ་འགྲུལ་ཡོ་བྱད་ཀྱིས་གཏན་འབེབས་ལྟར་ཡ་རབས་སྤྱོད་ཚུལ་གྱི་སྤྱི་ཕན་བརྡ་ཁྱབ་བཙུགས་ནས་ཡ་རབས་སྤྱོད་ཚུལ་དྲིལ་བསྒྲགས་བྱེད་དགོས།
དོན་ཚན་ཉེར་དགུ་བ། རང་སྐྱོང་ཁུལ་དང་རྫོང་(གྲོང་ཁྱེར)མི་དམངས་སྲིད་གཞུང་གིས་ཡ་རབས་སྤྱོད་ཚུལ་ལ་བསྟོད་བསྔགས། བྱ་དགའ། རོགས་སྐྱོར་བཅས་བྱེད་པའི་ལམ་ལུགས་འཛུགས་དགོས།
དོན་ཚན་སུམ་ཅུ་བ། རང་སྐྱོང་ཁུལ་དང་རྫོང་(གྲོང་ཁྱེར)མི་དམངས་སྲིད་གཞུང་གིས་དཔལ་ཡོན་གྲོང་ཁྱེར་ཡ་རབས་ཅན་དང་། དཔལ་ཡོན་ལས་ཁུངས།དཔལ་ཡོན་གྲོང་གསེབ་དང་གྲོང་རྡལ་དཔལ་ཡོན་ཅན། དཔལ་ཡོན་སློབ་གྲྭ།ཁྱིམ་ཚང་ཡ་རབས་སོགས་མང་ཚོགས་ཀྱི་རང་བཞིན་ལྡན་པའི་བསམ་པའི་དཔལ་ཡོན་སྤེལ་བའི་བྱེད་སྒོ་སྤེལ་བར་རྒྱབ་སྐྱོར་བྱེད་དགོས།
གྲོང་ཁྱེར་དཔལ་ཡོན་དང་། ལས་ཁུངས་དཔལ་ཡོན་ཅན།གྲོང་གསེབ་དང་གྲོང་རྡལ་ དཔལ་ཡོན་ཅན། སློབ་གྲྭ་དཔལ་ཡོན་ཅན། ཁྱིམ་ཚང་ཡ་རབས་ཐོབ་པའམ་ཡང་ན་བསྐྱར་བཤེར་སྐབས་སུ་མཚན་སྙན་རྒྱུན་འཛིན་བྱེད་པར་ཀྲུང་དབྱང་དང་། ཞིང་ཆེན། རང་སྐྱོང་ཁུལ་བཅས་ཀྱི་འབྲེལ་ཡོད་གཏན་འབེབས་གཞིར་བཟུང་བྱ་དགའ་སྤྲོད་དགོས།
དོན་ཚན་སོ་གཅིག་པ། རྫོང་(གྲོང་ཁྱེར)དང་། ཡུལ་ཚོ(གྲོང་རྡལ)། གྲོང་ཚོ(སྡེ་ཁུལ)བཅས་ཀྱིས་ཡ་རབས་སྤྱོད་ཚུལ་དང་དང་བླངས་ཞབས་ཞུ་ལ་སྐུལ་ལྕག་དང་དྲིན་འཇལ་ལམ་ལུགས་འཛུགས་རྒྱུར་སྐུལ་སློང་དང་རྒྱབ་སྐྱོར་བྱས་ནས་ཡ་རབས་སྤྱོད་ཚུལ་དང་དང་བླངས་ཞབས་ཞུའི་གནས་ཚུལ་ཐོ་འགོད་བྱས་ཏེ་ཆ་བསགས་ལམ་ལུགས་ཀྱི་དོ་དམ་བྱེད་དགོས།
དོན་ཚན་སོ་གཉིས་པ། རང་སྐྱོང་ཁུལ་དང་རྫོང་(གྲོང་ཁྱེར)མི་དམངས་སྲིད་གཞུང་དང་འབྲེལ་ཡོད་སྡེ་ཁག་གིས་སྤྱི་པའི་དཔལ་ཡོན་ཁྲིད་སྟོན་པའི་དཔུང་ཁག་སྒྲིག་འཛུགས་བྱེད་ཆོག་པ་དང་། གུས་སྲོལ་དཔེ་སྟོན་དང་སྒྲིག་ལམ་སྲུང་སྐྱོང་སོགས་ཀྱི་ཐད་དྲིལ་བསྒྲགས་ཁྲིད་སྟོན་གྱི་ཞབས་ཞུ་སྤེལ་བ་དང་། ཚུལ་མིན་གྱི་སྤྱོད་ཚུལ་ལ་བཀག་སྡོམ་བསླབ་བྱ་བྱེད་དགོས།
དོན་ཚན་སོ་གསུམ་པ། རང་སྐྱོང་ཁུལ་དང་རྫོང་(གྲོང་ཁྱེར)མི་དམངས་སྲིད་གཞུང་གིས་ཡ་རབས་སྤྱོད་ཚུལ་ལ་སྐུལ་སྤེལ་གཏོང་བའི་ལས་ཀ་དེ་གྲོང་ཁྱེར་འཛུགས་སྐྲུན་བྱེད་པའི་སྤྱི་ཡོངས་ཀྱི་ལས་ཀའི་བཀོད་སྒྲིག་ནང་འཇུག་དགོས། ཡ་རབས་སྤྱོད་ཚུལ་ལ་སྐུལ་སྤེལ་གཏོང་བའི་ལས་ཀའི་དམིགས་ཚད་འགན་འཁྲིའི་ལམ་ལུགས་དང་དཔྱད་བསྡུར་ལམ་ལུགས་འཛུགས་པ་དང་འཐུས་ཚང་དུ་གཏོང་བ་མ་ཟད། དོན་འཁྱོལ་བྱས་ཚུལ་ལ་ཞིབ་བཤེར་དང་དཔྱད་བསྡུར་ཡང་བྱེད་དགོས།
ལེའུ་ལྔ་བ། ཁྲིམས་འབྲེལ་འགན་འཁྲིའི་སྐོར།
དོན་ཚན་སོ་བཞི་བ། སྲོལ་ཡིག་འདིའི་འབྲེལ་ཡོད་གཏན་འབེབས་ལས་འགལ་ཏེ་མ་རབས་ཀྱི་སྤྱོད་ཚུལ་སྤེལ་ན་བཅའ་ཁྲིམས་དང་ཁྲིམས་སྲོལ་ནང་བཅའ་ཁྲིམས་ཀྱི་འགན་འཁྲི་གཏན་འབེབས་བྱས་ཡོད་ན་དེ་ལྟར་བྱེད་དགོས།
དོན་ཚན་སོ་ལྔ་བ། སྲོལ་ཡིག་འདིའི་འབྲེལ་ཡོད་གཏན་འབེབས་ལས་འགལ་ཏེ་མ་རབས་ཀྱི་སྤྱོད་ཚུལ་སྤེལ་བ་དང་། མ་རབས་ཀྱི་སྤྱོད་ཚུལ་ལག་བསྟར་བྱེད་མཁན་སྤྱི་ཚོགས་ཀྱི་ཞབས་ཞུའི་ནང་རང་མོས་ངང་ཞུགས་རིགས་ལ་ཁྲིམས་ལུགས་ལྟར་སྲིད་འཛིན་གྱི་ཆད་པ་ཡང་གཅོད་དང་ཡང་དུ་བཏང་ན་ཆོག
ལེའུ་དྲུག་པ། ཞར་བྱུང་དོན་ཚན།
དོན་ཚན་སོ་དྲུག་པ། སྲོལ་ཡིག་འདི་2023ལོའི་ཟླ་དང་བོའི་ཚེས་1ཉིན་ནས་ལག་བསྟར་བྱེད་རྒྱུ།
扫一扫在手机打开当前页